पर्सा–४ मा राप्रपाको सक्रियता जोशीको घरदैलोमा पालिका अध्यक्ष कुर्मीको सहभागिता

समाचार

गृहपृष्ठ
समाचार
पर्सा–४ मा राप्रपाको सक्रियता जोशीको घरदैलोमा पालिका अध्यक्ष कुर्मीको सहभागिता

पर्सा–४ मा राप्रपाको सक्रियता जोशीको घरदैलोमा पालिका अध्यक्ष कुर्मीको सहभागिता

बिहीबार, फागुन ७, २०८२ प्रकाश दैनिक

राष्ट्रिय प्रजातन्त्र पार्टी ९राप्रपा० पर्सा क्षेत्र नम्बर ४ का प्रतिनिधिसभा उम्मेदवार शन्त कुमार जोशीले सेढवा क्षेत्रमा व्यापक घरदैलो तथा जनभेटघाट कार्यक्रम सम्पन्न गरेका छन्। निर्वाचनको मिति नजिकिँदै जाँदा राप्रपाले गाउँ–गाउँ पुगेर मतदातासँग प्रत्यक्ष संवादलाई तीव्रता दिएको देखिएको छ।
घरदैलो कार्यक्रममा धोविनी गाउँपालिका का अध्यक्ष रामआशिष प्रसाद कुर्मीको विशेष उपस्थिति रहेको थियो। अध्यक्ष कुर्मीको सहभागिताले कार्यक्रमलाई थप राजनीतिक महत्व दिएको स्थानीयवासीको भनाइ छ। सेढवाका विभिन्न टोलमा पुगेका उम्मेदवार जोशीले स्थानीय बासिन्दासँग भेटघाट गर्दै विकास, सुशासन र स्थायित्वका एजेन्डा अघि सारे।

कार्यक्रमका क्रममा जोशीले पर्सा–४ क्षेत्रको समग्र विकास, कृषि आधुनिकीकरण, सीमावर्ती क्षेत्रको सुरक्षा व्यवस्थापन, शिक्षा तथा स्वास्थ्य सेवा सुधारलाई प्राथमिकतामा राख्ने प्रतिबद्धता व्यक्त गरे। उनले विगतमा विकासका नाममा भएका राजनीतिक अस्थिरता र अपूर्ण योजनाप्रति असन्तुष्टि जनाउँदै अब स्पष्ट नीति र दीर्घकालीन दृष्टिकोण आवश्यक रहेको धारणा राखे।
“पर्सा–४ लाई समृद्ध, सुरक्षित र आत्मनिर्भर क्षेत्रका रूपमा विकास गर्ने लक्ष्यका साथ म जनताको बीचमा आएको छु,” जोशीले भने, “स्थानीय सरकार र संघीय प्रतिनिधिबीच समन्वय गरेर ठोस काम गर्ने समय आएको छ।”
अध्यक्ष कुर्मीले पनि कार्यक्रममा बोल्दै स्थानीय तह र संघीय तहबीच सहकार्य जरुरी रहेको बताए। उनले विकासका सवालमा दलगत स्वार्थभन्दा माथि उठेर साझा एजेन्डामा काम गर्नुपर्ने आवश्यकता औँल्याए। “जनताको चाहना स्थिरता र विकास हो। त्यसका लागि सक्षम र प्रतिबद्ध नेतृत्व आवश्यक छ,” उनले भने।
घरदैलोका क्रममा स्थानीय किसान, युवा, महिला तथा ज्येष्ठ नागरिकले खानेपानी, सिंचाइ, सडक स्तरोन्नति, रोजगारी सृजना र सीमावर्ती क्षेत्रको सुरक्षाजस्ता विषय उठाएका थिए। उम्मेदवार जोशीले ती समस्यालाई प्राथमिकताका साथ सम्बोधन गर्ने आश्वासन दिए।
सेढवामा सम्पन्न यो कार्यक्रमलाई राप्रपाले आफ्नो संगठन विस्तार र मतदाता आधार सुदृढीकरणको महत्वपूर्ण कदमका रूपमा लिएको छ।
आगामी दिनमा पनि गाउँ–गाउँ पुगेर प्रत्यक्ष जनसंवादलाई निरन्तरता दिने र स्थानीय मुद्दालाई केन्द्रमा राखेर चुनावी अभियान अघि बढाउने राप्रपाको तयारी रहेको पार्टी स्रोतले जनाएको छ