सेस्मी इन्टरनेशनल स्कुलमा "सेस्मी फुड फेस्ट २०८२" सम्पन्न

समाचार

गृहपृष्ठ
समाचार
सेस्मी इन्टरनेशनल स्कुलमा "सेस्मी फुड फेस्ट २०८२" सम्पन्न

सेस्मी इन्टरनेशनल स्कुलमा "सेस्मी फुड फेस्ट २०८२" सम्पन्न

शनिबार, फागुन ९, २०८२ प्रकाश दैनिक

वीरगञ्जको प्रगतिनगरस्थित सेस्मी इन्टरनेशनल स्कुलमा विद्यार्थीहरूको प्रतिभा, सिर्जनशीलता र व्यावहारिक सीप विकास गर्ने उद्देश्यले "सेस्मी फुड फेस्ट २०८२" भव्य रूपमा सम्पन्न भएको छ ।
विद्यालय परिसरमै आयोजित फुड फेस्टिबलमा कक्षा १ देखि माध्यमिक तहसम्मका विद्यार्थीहरूले विभिन्न परिकारका स्टलहरू सञ्चालन गर्दै स्वदेशी तथा विदेशी खानाका स्वादिलो परिकारहरू प्रस्तुत गरेका थिए । विद्यार्थीहरू आफैंले तयारी, सजावट, मूल्य निर्धारण तथा ग्राहक सेवा सम्हाल्दा कार्यक्रम थप आकर्षक बनेको थियो ।
कार्यक्रममा अभिभावक, शिक्षक तथा स्थानीय समाजसेवीहरूको उल्लेखनीय उपस्थिति रहेको थियो । फुड फेस्टिबल अवलोकन गर्न आएका अभिभावकहरूले विद्यार्थीहरूको आत्मविश्वास, प्रस्तुतिकरण क्षमता र समूहकार्यको प्रशंसा गरेका थिए ।
विद्यालयकी प्रिन्सिपल आशमा सिंह यादवका अनुसार यस्ता सिर्जनात्मक कार्यक्रम मार्फत विद्यार्थीहरूको आत्मविश्वास बढाउन विद्यार्थीहरूलाई कक्षाकोठाभन्दा बाहिरको व्यवहारिक सीप सिकाउने लक्ष्य राखिएको हो । “फुड फेस्टिबलमार्फत विद्यार्थीहरूले उद्यमशीलता, समूहकार्य, स्वच्छता, ग्राहक सेवाजस्ता व्यवहारिक ज्ञान हासिल गरेका छन्,” उहाँले बताउनुभयो ।
विद्यालय प्रशासनका अनुसार फुड फेस्टिबलबाट संकलित रकम सामाजिक सेवामा प्रयोग गरिनेछ । यस्ता कार्यक्रमले विद्यार्थीहरूको पढाइलाई जीवनोपयोगी बनाउँदै समाजप्रति उत्तरदायी नागरिक बनाउन सहयोग पुग्ने विश्वास विद्यालयले लिएको छ ।

प्रकाशित मिति: शनिबार, फागुन ९, २०८२ २१:०५

प्रतिक्रिया दिनुहोस्

ताजा समाचार

सेस्मी इन्टरनेशनल स्कुलमा "सेस्मी फुड फेस्ट २०८२" सम्पन्न

पर्सा–२ मा रास्वपा उम्मेदवार कानुको घरदैलो, अटराहा सुगौलीमा स्थानीयको समर्थन

पर्सा–४ मा राप्रपाको सक्रियता जोशीको घरदैलोमा पालिका अध्यक्ष कुर्मीको सहभागिता

लायन्स इन्टरनेशनल लिडरसिप एवार्डबाट लायन प्रकाश बाहेती सम्मानित

हरि पन्तको घरदैलोमा जनसागर, इनरुवामा रास्वपाको सम्पर्क कार्यालय उद्घाटन

जनकपुरको सभाबाट शक्ति प्रदर्शन, पर्साबाट एमालेका नेता बसरुद्दीन अन्सारी कांग्रेसमा प्रवेश

मनकामना बोर्डिङ स्कुलको २७ औँ वार्षिक उत्सव सम्पन्न