परीक्षा नहुँदा चर्कियो विवाद: हरि खेतान क्याम्पसमा विद्यार्थी–प्रशासन बीच चर्कियो विवाद

समाचार

गृहपृष्ठ
समाचार
परीक्षा नहुँदा चर्कियो विवाद: हरि खेतान क्याम्पसमा विद्यार्थी–प्रशासन बीच चर्कियो विवाद

परीक्षा नहुँदा चर्कियो विवाद: हरि खेतान क्याम्पसमा विद्यार्थी–प्रशासन बीच चर्कियो विवाद

आइतबार, चैत ८, २०८२ प्रकाश दैनिक

वीरगञ्जस्थित हरि खेतान बहुमुखी क्याम्पसमा कक्षा १२ को परीक्षा सञ्चालन नहुँदा उत्पन्न असन्तुष्टि अहिले विवादमा परिणत भएको छ। परीक्षा गराउन माग गर्दै पुगेका विद्यार्थीहरूमाथि क्याम्पस प्रशासनले प्रहरी प्रयोग गरेर कुटपिट गराएको आरोप लगाइएपछि अवस्था थप तनावपूर्ण बनेको हो। विद्यार्थीहरूको भनाइअनुसार, यसअघि वर्षमा चारपटकसम्म त्रैमासिक तथा चौमासिक परीक्षा सञ्चालन गर्ने क्याम्पसले यसपटक भने एकपटक पनि परीक्षा नलिँदा उनीहरू अन्योलमा परेका थिए।

सोही विषयमा ध्यानाकर्षण गराउन जाँदा उल्टै बल प्रयोग भएको उनीहरूको गुनासो छ। घटनापछि आक्रोशित विद्यार्थीहरू सडकमा उत्रिएका छन्। वीरगञ्जको घण्टाघर क्षेत्रमा प्रदर्शन गर्नुका साथै जिल्ला प्रशासन कार्यालयअगाडि धर्ना दिँदै उनीहरूले क्याम्पस र प्रहरी प्रशासनविरुद्ध नाराबाजी गरेका छन्। विद्यार्थीहरूले आफ्नो शैक्षिक भविष्यसँग खेलवाड भएको आरोप लगाउँदै क्याम्पस व्यवस्थापनप्रति आक्रोश व्यक्त गरेका छन्।

पटक–पटक समस्या दोहोरिए पनि समाधानका लागि गम्भीर पहल नभएको उनीहरूको भनाइ छ। उता, शिक्षा क्षेत्रका सरोकारवालाहरूले पनि घटनाप्रति चिन्ता व्यक्त गरेका छन्। सामुदायिक क्याम्पसले न्यूनतम शैक्षिक जिम्मेवारीसमेत पूरा गर्न नसकेको भन्दै व्यवस्थापनमाथि प्रश्न उठाइएको छ। विगतमा वीरगञ्जमा शैक्षिक प्रतिष्ठा बनाएको यस क्याम्पस अहिले आफ्नै व्यवस्थापकीय कमजोरीका कारण विवादमा तानिँदा विद्यार्थीहरू आन्दोलनमा उत्रिन बाध्य भएका छन्।

प्रकाशित मिति: आइतबार, चैत ८, २०८२ १५:३८

प्रतिक्रिया दिनुहोस्

ताजा समाचार

परीक्षा नहुँदा चर्कियो विवाद: हरि खेतान क्याम्पसमा विद्यार्थी–प्रशासन बीच चर्कियो विवाद

नेकप एमालेको सम्पूर्ण जिम्मेवारीबाट मुक्त भएको पटेलको घोषणा,सच्चा कार्यकर्तालाई पाखा लगाइएको आरोप

पर्सा–१ का उम्मेदवार प्रदीप यादवले सार्वजनिक गरे चुनावी खर्च

नेपालमा पेट्रोलियम पदार्थको अभावपछि बोतल र ग्यालिनमा पेट्रोल–डिजेल बिक्रीमा रोक

चैत्र १२ मा हुने गहवामाई डोली यात्रामा सहभागी हुन वीरगञ्ज महानगर प्रमुख सिंहलाई निमन्त्रण

रास्वपा पर्सा सभापति हरि पन्तद्वारा मतदाता र समर्थकलाई धन्यवाद

युवा नेता सुमित चौरसिया सहित दुई सयभन्दा बढी रास्वपामा प्रवेश,जितलाई शुनिश्चित पार्दै हरि पन्त