नेपाल दलित संघका अध्यक्ष लोकबहादुर विश्वकर्माको राजीनामा

समाचार

गृहपृष्ठ
समाचार
नेपाल दलित संघका अध्यक्ष लोकबहादुर विश्वकर्माको राजीनामा

नेपाल दलित संघका अध्यक्ष लोकबहादुर विश्वकर्माको राजीनामा

सोमबार, वैशाख २१, २०८३ प्रकाश दैनिक

नेपाल दलित संघका अध्यक्ष लोकबहादुर विश्वकर्मा ले पदबाट राजीनामा दिएका छन्। उनले नेपाली कांग्रेसका सभापति गगन थापा लाई सम्बोधन गर्दै आफ्नो राजीनामा बुझाएका हुन्।

विश्वकर्माले राजीनामा पत्रमा व्यक्तिगत पारिवारिक अवस्था तथा स्वास्थ्यसम्बन्धी समस्यालाई कारणका रूपमा उल्लेख गरेका छन्। पछिल्लो समय स्वास्थ्य अवस्था कमजोर बन्दै गएको र पारिवारिक जिम्मेवारीसमेत बढेकाले संगठनलाई प्रभावकारी रूपमा नेतृत्व दिन असमर्थ भएको निष्कर्षसहित उनले पदबाट अलग हुने निर्णय लिएको जनाइएको छ।

उनी नेपाल दलित संघको अध्यक्षमा तत्कालीन सभापति शेरबहादुर देउवा द्वारा २०८० साल असोज १३ गते नियुक्त भएका थिए। उनको कार्यकालमा संघले विभिन्न सामाजिक अभियान, दलित अधिकारको पक्षमा आवाज उठाउने कार्यक्रम तथा संगठन विस्तारका कामहरू अघि बढाएको थियो।

राजीनामापछि संघभित्र नयाँ नेतृत्व चयनको प्रक्रिया सुरु हुने अपेक्षा गरिएको छ। नेपाली कांग्रेसभित्रको दलित भ्रातृ संगठनका रूपमा रहेको नेपाल दलित संघको नेतृत्व परिवर्तनले संगठनको आगामी रणनीति र कार्यक्रमहरूमा समेत प्रभाव पार्ने विश्लेषण गरिएको छ।

यस्तै, पार्टीभित्र समावेशिता र सामाजिक न्यायका मुद्दालाई सशक्त रूपमा उठाउँदै आएको संघमा नयाँ नेतृत्व कसरी चयन हुन्छ भन्ने विषयले अहिले राजनीतिक वृत्तमा चासो पैदा गरेको छ।

प्रकाशित मिति: सोमबार, वैशाख २१, २०८३ १६:३१

प्रतिक्रिया दिनुहोस्

ताजा समाचार

काठमाडौंका सुकुम्वासी बस्तीको अवस्था बुझ्न संसदीय समितिको अनुगमन, एक साताभित्र स्थलगत अध्ययन गर्ने निर्णय

भारतसँग जीटुजी सम्झौताबाट मल आयात गर्ने निर्णय, आपूर्ति ढिलाइ अन्त्य हुने सरकारको विश्वास

सरकारले मन्त्रालयहरूको सङ्ख्या १७ मा झार्ने प्रस्ताव, सरसफाइलाई स्वास्थ्य मन्त्रालयमा गाभिने

राष्ट्रपति पौडेलद्वारा ‘थप एक अध्यादेश जारी

व्यवसायीहरूले देशको अर्थतन्त्र नै आफ्नो मुठ्ठीमा नियन्त्रण गर्ने गरी अघि बढेका कारणले सरकार निर्मम भएर लाग्नु परेको रास्पा सभापति लामिछानेको कथन

वीरगञ्जमा विश्व प्रेस स्वतन्त्रता दिवसको अवसरमा प्रभातफेरी सम्पन्न

वीरगञ्जमा लेखापढी व्यवसायी एशोसिएसनको नयाँ नेतृत्व चयन, अध्यक्षमा सन्नी पटेल निर्वाचित