रातको समयमा बिपी राजमार्गमा सवारी आवागमनमा रोक

समाचार

गृहपृष्ठ
समाचार
रातको समयमा बिपी राजमार्गमा सवारी आवागमनमा रोक

रातको समयमा बिपी राजमार्गमा सवारी आवागमनमा रोक

मंगलबार, वैशाख २२, २०८३ प्रकाश दैनिक

जिल्ला सुरक्षा समितिको मङ्गलबार बसेको बैठकले बिपी राजमार्गमा रातको समयमा सवारी आवागमनमा रोक लगाइएको छ। मङ्गलबारदेखि नै लागु हुने गरी अर्को सूचना जारी नभएसम्म साँझ ५ बजेदेखि बिहान ५ बजेसम्म बिपी राजमार्गमा निजी तथा सार्वजनिक सवारी साधन सञ्चालनमा रोक लगाउने निर्णय गरेको हो।

काभ्रेपलाञ्चोकका प्रमुख जिल्ला अधिकारी गोपालकुमार अधिकारीले मङ्गलबार बसेको जिल्ला सुरक्षा समितिको बैठकले बिपी राजमार्गको भकुण्डेबेँसी–खुर्कोट सडक खण्डमा अर्को सूचना जारी नभएसम्म यातायात सञ्चालनमा पूर्णरूपमा रोक लगाउने निर्णय गरेको बताउनुभयो।

उहाँले रातको समयमा हुन सक्ने सम्भावित जोखिमलाई मध्यनजर गर्दै यात्रु र सवारी साधनको सुरक्षाका लागि अनिश्चितकालीन रोक लगाइएको जानकारी दिनुभयो। समितिले तोकिएको समयबाहेक पनि वर्षा, रोशी खोलामा आउन सक्ने बाढी र मौसमको अवस्था हेरी आवश्यकताका आधारमा जुनसुकै बेला अल्पकालीन रूपमा सडक बन्द गर्न सकिने जनाएको छ।

सोमबारको घटना तथा राष्ट्रिय विपद् जोखिम न्यूनीकरण तथा व्यवस्थापन प्राधिकरणको निर्देशनलाई ध्यानमा राखी काभ्रेपलाञ्चोक र सिन्धुलीका प्रमुख जिल्ला अधिकारीबिच भएको टेलिफोन संवादका आधारमा यो निर्णय लिइएको हो। निर्माणाधीन बिपी राजमार्गमा वर्षाका कारण चालु आर्थिक वर्षमा हालसम्म दर्जनौँ पटक सडक अवरुद्ध भइसकेको छ। जिल्ला सुरक्षा समितिले यसअघि पनि चार पटक राजमार्ग बन्द गराइसकेको छ।

प्रकाशित मिति: मंगलबार, वैशाख २२, २०८३ १७:०७

प्रतिक्रिया दिनुहोस्

ताजा समाचार

वीरगञ्जमा दुर्घटना न्यूनीकरण र बाल विवाह विरुद्ध समुदाय–प्रहरी साझेदारी सचेतना कार्यक्रम सम्पन्न

दोहोरो सुविधा काट्ने तयारीस् पूर्वविशिष्टका सवारी विवरण आजै बुझाउन कडा निर्देशन

वैशाख २८ गते संसद् अधिवेशन आह्वान गर्न सरकारको सिफारिस

रातको समयमा बिपी राजमार्गमा सवारी आवागमनमा रोक

निजी क्षेत्रका उद्यमीहरूमाथि धरपकडले बिग्रियो लगानी, मूल्य समायोजन नभए देशभरका निर्माण कार्य बन्द हुने चेतावनी

नेपाल दलित संघका अध्यक्ष लोकबहादुर विश्वकर्माको राजीनामा

काठमाडौंका सुकुम्वासी बस्तीको अवस्था बुझ्न संसदीय समितिको अनुगमन, एक साताभित्र स्थलगत अध्ययन गर्ने निर्णय