बीरगञ्जमा एक महिने सिलाई कटाई तालिम तथा मेसिन वितरण कार्यक्रम सुरु

समाचार

गृहपृष्ठ
समाचार
बीरगञ्जमा एक महिने सिलाई कटाई तालिम तथा मेसिन वितरण कार्यक्रम सुरु

बीरगञ्जमा एक महिने सिलाई कटाई तालिम तथा मेसिन वितरण कार्यक्रम सुरु

बिहीबार, वैशाख २४, २०८३ प्रकाश दैनिक

युवा नेपाल सङ्घको आयोजना तथा बीरगञ्ज महानगरपालिका वडा नम्बर ९ वडा कार्यालयको सहयोगमा आजदेखि एक महिने सिलाई कटाई तालिम तथा मेसिन वितरण कार्यक्रम सुरु भएको छ। तालिमको उद्घाटन गर्दै प्रमुख अतिथि जवाहर प्रसाद गुप्ताले तालिममा मन लगाएर सिक्न र आफ्नो घरको आयआर्जनमा यसबाट टेवा पुर्‍याउने उद्देश्यले वडा कार्यालयले तालिमको आयोजना गरेको बताएका छन्।

उनले भने आफ्नो वडामा रहेका महिला तथा युवा युवतीहरूलाई आत्मनिर्भर बनाउँदै सक्षम वडाको रुपमा अगाडि बढाउने उद्देश्य रहेकोले अहिले आफ्नो वडाबाट युवाहरूको लागि कम्प्युटर तालिम लोकसेवा तालिम सिलाई कटाई तालिम ब्युटिसियन तालिम डल बनाउने तालिम लगायत विभिन्न तालिमहरू प्रदान गरेर सामान्य घरपरिवारलाई आफ्नो घर खर्च चलाउन यस तालिमबाट उपलब्धि हासिल गरुन् भन्ने उद्देश्यले यस्ता तालिमहरु प्रदान गरेको बताएका हुन् ।

आफ्नो कार्यकालमा सबैलाई सिपबाट दक्ष बनाउँदै अगाडि बढाउने लक्ष्यले यस्ता विभिन्न सिपमूलक तालिमहरु प्रदान गरेकोले यसको भरपूर्ण फाइदा उठाउन महिला तथा दिदीबहिनी एवं युवाहरुलाई अपिल गर्नुभएको छ सिलाई कटाई तालिममा २० जना महिलाहरूको सहभागिता रहेको छ भने तालिमको समापन को बेलामा सिलाईकाटा मेसिन समेत निःशुल्क वितरण गरिने भएको छ।

युवा नेपाल सङ्घका उपाध्यक्ष सोनाली सावाले तालिम केवल मेसिन प्राप्तको लागि मात्र नभएर आफूहरू आत्मनिर्भर हुने खालको तालिम लिएर आयआर्जनमा टेवा पुग्ने उद्देश्यले तालिममा सहभागी हुन महिलाहरूलाई आग्रह गर्नुभएको छ। उनले भने महिलाहरूले आत्मनिर्भर भएको खण्डमा कसैसँग पनि चाहिएको खण्डमा सानोतिनो रकम आफूसँग सधैँ रहिरहने जिकिर गरेकी थिइन्। उनले भनिन् तालिम केवल तालिम मात्र नहोस्।

तालिमको महत्तो र अर्थ पनि होस् भन्ने उद्देश्य आफ्नो रहेकोले तालिम सार्थक सम्पन्न हुनेमा आफूलाई पूर्ण विश्वास रहेको बताएकी थिइन्। तालिमको उद्घाटन समारोहमा वडा नम्बर ९ का वडा सचिव मेघराज श्रेष्ठ वडा सदस्यहरू नन्द किशोर चौहान लालबाबु प्रसाद कलवार गीता मानन्दर सोनी पासवान नेपाल महिला विकास सङ्घका अध्यक्ष मेनु देवी रौनियार युवा नेपाल सङ्घका कोषाध्यक्ष शिवशंकर श्रीवास्तव लगायतले आआफ्नो धारणा राख्नुभएको थियो। तालिम अवधिभर स्नेहा लत्ताले प्रशिक्षण दिइरहेकी छिन्। कार्यक्रमको सहजीकरण ममताकुमारीले गरेकी थिइन्

प्रकाशित मिति: बिहीबार, वैशाख २४, २०८३ १५:४६

प्रतिक्रिया दिनुहोस्

ताजा समाचार

बीरगञ्जमा एक महिने सिलाई कटाई तालिम तथा मेसिन वितरण कार्यक्रम सुरु

सडक विस्तारको विरोधमा वीरगञ्जमा मानव साङ्लो,उचित क्षतिपूर्ति बिना सडक विस्तार स्वीकार नगर्ने चेतावनी

मधेश प्रदेशका स्थानीय तहहरूमा भ्रष्टाचार नियन्त्रण गर्न सरकारको विशेष निर्देशन

वीरगञ्जमा दुर्घटना न्यूनीकरण र बाल विवाह विरुद्ध समुदाय–प्रहरी साझेदारी सचेतना कार्यक्रम सम्पन्न

दोहोरो सुविधा काट्ने तयारीस् पूर्वविशिष्टका सवारी विवरण आजै बुझाउन कडा निर्देशन

वैशाख २८ गते संसद् अधिवेशन आह्वान गर्न सरकारको सिफारिस

रातको समयमा बिपी राजमार्गमा सवारी आवागमनमा रोक