दुर्गा प्रसाईंको रिहाइको माग गर्दै वीरगञ्जमा प्रदर्शन

समाचार

गृहपृष्ठ
समाचार
दुर्गा प्रसाईंको रिहाइको माग गर्दै वीरगञ्जमा प्रदर्शन

दुर्गा प्रसाईंको रिहाइको माग गर्दै वीरगञ्जमा प्रदर्शन

बिहीबार, जेठ ७, २०८३ प्रकाश दैनिक

वीरगञ्जमा मेडिकल व्यवसायी तथा अभियन्ता दुर्गा प्रसाईंको रिहाइको माग गर्दै प्रदर्शन गरिएको छ। प्रदर्शनकारीहरूले सरकारविरुद्ध नाराबाजी गर्दै दुर्गा प्रसाईंलाई तत्काल रिहा गर्न माग गरेका हुन्।

वीरगञ्जमा जम्मा भएका समर्थकहरूले शिरमा कालो कपडा बाधेर शहरको मुख्य सडकमा प्रदर्शन गर्दै “राजनीतिक प्रतिशोध बन्द गर”, “दुर्गा प्रसाईंलाई रिहा गर” लगायतका नाराहरू लगाएका थिए। प्रदर्शनका कारण केही समय यातायात समेत प्रभावित भएको थियो।

प्रदर्शनमा सहभागीहरूले सरकारले फरक विचार राख्ने व्यक्तिमाथि दमन गर्न खोजेको आरोप लगाउँदै नागरिक अधिकारको सम्मान गर्नुपर्ने बताएका थिए। उनीहरूले शान्तिपूर्ण रूपमा आफ्ना माग राख्दै सरकारलाई चेतावनीसमेत दिएका छन्।

प्रहरी प्रशासनले प्रदर्शनलाई मध्यनजर गर्दै सुरक्षा व्यवस्था कडा बनाएको थियो। हाल अवस्था सामान्य रहेको जिल्ला प्रहरी कार्यालय पर्साले जनाएको छ।

प्रकाशित मिति: बिहीबार, जेठ ७, २०८३ १५:४१

प्रतिक्रिया दिनुहोस्