वीरगञ्जमा साइबर अपराध सम्बन्धी सचेतना कार्यक्रम सम्पन्न

समाचार

गृहपृष्ठ
समाचार
वीरगञ्जमा साइबर अपराध सम्बन्धी सचेतना कार्यक्रम सम्पन्न

वीरगञ्जमा साइबर अपराध सम्बन्धी सचेतना कार्यक्रम सम्पन्न

शुक्रबार, जेठ ८, २०८३ प्रकाश दैनिक

जिल्ला प्रहरी कार्यालय पर्सा र सामुदायिक प्रहरी सेवा अन्तर्गत एलाइड युथ सोसाइटीको आयोजनामा वीरगञ्जस्थित मुन लाइट सेकेन्डरी स्कुलमा साइबर अपराध सम्बन्धी सचेतना कार्यक्रम सम्पन्न भएको छ। कक्षा ९ र १० मा अध्ययनरत ८० भन्दा बढी विद्यार्थी सहभागी कार्यक्रममा साइबर सुरक्षा, डिजिटल जिम्मेवारी तथा अनलाइन जोखिमबारे जानकारी दिइएको थियो।

कार्यक्रममा जिल्ला प्रहरी कार्यालय पर्साका प्रहरी निरीक्षक सोनी नेम्हाफुकीले प्रशिक्षण दिएकी थिइन् भने प्रमुख अतिथिका रूपमा डिएसपी राजु कार्कीको उपस्थिति रहेको थियो। कार्यक्रमलाई सम्बोधन गर्दै डिएसपी कार्कीले सामाजिक सञ्जालको सुरक्षित प्रयोग गर्न र अनलाइन ठगी तथा साइबर अपराधबाट बच्न विद्यार्थीहरूलाई सचेत रहन आग्रह गरे।

विद्यालयका संस्थापक श्याम केसीको अध्यक्षतामा सम्पन्न कार्यक्रममा निर्देशक सुल्भ केसी, शिक्षक तथा विद्यार्थीहरूको समेत सहभागिता रहेको थियो।

प्रकाशित मिति: शुक्रबार, जेठ ८, २०८३ १६:०७

प्रतिक्रिया दिनुहोस्