किसान सूचीकरण प्रणालीमा देशभरका करिब २५ लाख किसान आबद्ध

समाचार

गृहपृष्ठ
समाचार
किसान सूचीकरण प्रणालीमा देशभरका करिब २५ लाख किसान आबद्ध

किसान सूचीकरण प्रणालीमा देशभरका करिब २५ लाख किसान आबद्ध

बुधबार, जेठ २७, २०८३ प्रकाश दैनिक

कृषि, वन तथा पर्यावरण मन्त्रालयको किसान सूचीकरण प्रणालीमा देशभरका करिब २५ लाख किसान आबद्ध भएका छन् । किसानलाई जमिनको विवरण र खेती उत्पादनका आधारमा सूचीकरण गरिएको हो । उत्पादन वृद्धि गर्न आवश्यक सहुलियत तथा सुविधा दिने उद्देश्यले किसानलाई विद्युतीय प्रणालीमार्फत सूचीकृत गरिएको कृषि सूचना केन्द्रका अधिकृत सञ्जीव पण्डितले जानकारी दिनुभयो ।

कृषि जनगणना, २०७८ अनुसार ४१ लाख ३० हजारको सङ्ख्या रहेकाले बाँकी १६ लाखभन्दा बढी किसानलाई पनि सूचीकृत गर्ने कार्य भइरहेको उहाँले बताउनुभयो ।

“सबै किसानलाई सूचीबद्ध गरेपछि निर्वाहमुखी किसान, साना किसान, मझौला किसान र ठुला किसान गरी चार प्रकारमा मन्त्रालयले वर्गीकरण गर्ने योजना बनाएको छ”, उहाँले भन्नुभयो,“वर्गीकरणपश्चात परिचयपत्र वितरण, विद्युतीय सूचना प्रणालीमा जोड्ने लगायत कार्यक्रम गरिने छ । परिचयपत्रका आधारमा सरकारले अनुदानसहित रासायनिक मल, बिउ, अनुदान, सेवा व्यवस्थापन लगायत सुविधासहित उपलब्ध गराउन सहज हुने छ ।”

देशभर स्थानीय तहसँग समन्वय गरी किसानका सूचना तथा तथ्याङ्क सङ्कलन गरिएको हो । केन्द्रले यस कार्यक्रममा आफ्नो नाम दर्ता गराउन किसानलाई आह्वानसमेत गरेको छ । रासस

प्रकाशित मिति: बुधबार, जेठ २७, २०८३ १४:१३

प्रतिक्रिया दिनुहोस्

ताजा समाचार

सरकारी विभेदकारी निर्णयविरुद्ध पत्रकारको धर्ना, प्रेस स्वतन्त्रताको रक्षाका लागि प्रशासनलाई दबाब

किसान सूचीकरण प्रणालीमा देशभरका करिब २५ लाख किसान आबद्ध

रास्वपा पर्साको प्रथम जिल्ला अधिवेशनबाट हरि पन्त सभापतिमा निर्वाचित, ४८ मतको फराकिलो अन्तरले जित

सागरमाथा एकेडेमी बोर्डिङ स्कुलका विद्यार्थीहरूले निर्वाचन प्रणाली मार्फत आफ्ना हेडगल हेडब्या चुन्दै

चीनले सञ्चालनमा ल्यायो विश्वकै सबैभन्दा ठूलो पूर्ण विद्युतीय कार्गो जहाज, समुद्री ढुवानी क्षेत्रमा हरित क्रान्तिको नयाँ अध्याय

रास्वपा पर्साको नेतृत्वका लागि सांसदद्वय आमनेसामने, सभापतिमा पन्त र कानुबीच प्रतिस्पर्धा

विद्यार्थी नेतृत्व हस्तान्तरण तथा शपथ ग्रहण कार्यक्रम सम्पन्न