नेपाल पत्रकार महासङ्घको चुनाव यहि ज्येष्ठ २६ गते हुने

समाचार

गृहपृष्ठ
समाचार
नेपाल पत्रकार महासङ्घको चुनाव यहि ज्येष्ठ २६ गते हुने

नेपाल पत्रकार महासङ्घको चुनाव यहि ज्येष्ठ २६ गते हुने

शनिबार, वैशाख २२, २०८१ प्रकाश दैनिक

नेपाल पत्रकार महासङ्घको चुनाव यहि ज्येष्ठ २६ गते हुने भएको छ । महासङ्घको २७ औँ महाधिवेशनले यहि जेठ २६ गतेका लागि मिति तोकेको हो । बिहीबार बसेको केन्द्रीय कार्यसमिति बैठकले जेठ १९ गतेका लागि मिति प्रस्ताव गरेको थियो । तर महाधिवेशनको बन्द सत्रमा छलफलका लागि प्रतिनिधिहरूले एक साता पर धकेल्न माग गरेपछि महासङ्घले २६ जेठमा केन्द्र, प्रदेश र जिल्ला तथा प्रतिष्ठान शाखाहरूको एकसाथ निर्वाचन गर्ने निर्णय भएको हो । नेपाली पत्रकारहरूको छाता संस्था महासङ्घमा हरेक तीन वर्षमा नेतृत्व परिवर्तन हुने गर्दछ । प्रत्यक्ष निर्वाचनको व्यवस्था भएका कारण महासङ्घको नेतृत्वका लागि हरेक साधारण सदस्यले मताधिकार पाउँछन् । यद्यपी निर्वाचनको मिति तोके पनि महासङ्घले साधारण सदस्यको टुङ्गो भने लगाइसकेको छैन । महासचिव रोशन पुरीले एक साताभित्र साधारण सदस्यको टुङ्गो लगाइसक्ने भन्दै मिति प्रस्ताव गरेका थिए ।

प्रकाशित मिति: शनिबार, वैशाख २२, २०८१ १४:४६