सुनको सिक्री नदिँदा वीरगन्जमा बिहेनै रोकियो, बेहुला पक्षका ६ जना प्रहरी नियन्त्रणमा

समाचार

गृहपृष्ठ
समाचार
सुनको सिक्री नदिँदा वीरगन्जमा बिहेनै रोकियो, बेहुला पक्षका ६ जना प्रहरी नियन्त्रणमा

सुनको सिक्री नदिँदा वीरगन्जमा बिहेनै रोकियो, बेहुला पक्षका ६ जना प्रहरी नियन्त्रणमा

मंगलबार, फागुन २९, २०८० प्रकाश दैनिक

बिहेमा सुनको सिक्री नदिएको विषयमा विवाद हुँदा वीरगन्जमा बिहेनै रोकिएको छ । वीरगन्ज महानगरपालिका –२४ रामगढवामा सोमबार वैवाहिक समारोह चलिरहकै बेला बेहुलाले सुनको सिक्री मागेको विषयमा बेहुली पक्षसँग विवाद हुँदा कुटपिटसमेत भएर बिहेनै रोकिए हो । बाराको कलैया उपमहानगरपालिका– ४ सिनेमा चोकका बच्चालाल साहका छोरा उमेश साह र वीरगन्ज २४ रामगढवाका सुखल सहकी छोरी रमिता कुमारीको बिहेभाँडिएको हो । बेहुला उमेश वीरगन्ज महानगरपालिकाको स्वास्थ्य शाखामा कार्यरत कम्प्युटर अपरेटर हुन् भने बेहुली रमिता वीरगन्जकै नारायणी अस्पतालको ल्याबमा कार्यरत ल्याब टेक्निसियन हुन् ।

प्रहरीले बेहुला पक्षका ६ जनालाई नियन्त्रणमा लिएको छ । बिहेचल्दै गरेका बेला बेहुला र बेहुली पक्षबीच विवाद भएको खबर आएपछि दुवै पक्षलाई प्रहरी कार्यालयमा झिकाएर छलफल गर्दा पनि सहमति नजुटेपछि बेहुला पक्षका ६ जनालाई नियन्त्रणमा लिएको वडा प्रहरी कार्यालय श्रीपुरका प्रहरी निरीक्षक धर्मजंग थिङले बताए । मंगलबार बिहान वडा प्रहरी कार्यालय श्रीपुरमा प्रहरी निरीक्षक थिङको उपस्थितिमा दुवै पक्षबीच भएको छलफलमा बेहुली रमिताले दाइजोको लोभी केटासँग बिहेनगर्ने अडान राखेपछि प्रहरीले आवश्यक प्रक्रिया अगाडि बढाएको छ । जिल्ला प्रहरी कार्यालय पर्सााका प्रवक्ता प्रहरी नायब उपरीक्षक कुमार विक्रम थापाले भने वडा प्रहरी कार्यालयमा भएको छलफलमा सहमति नभएपछि बेहुलासहित उनी पक्षका ६ जनालाई जिल्ला प्रहरी कार्यालयको नियन्त्रणमा राखिएको बताए ।