वीरगञ्जमा मानवसेवा आश्रममार्फत उद्धार भएकी गर्भवती महिलाले जन्माइन् स्वस्थ छोरी

समाचार

गृहपृष्ठ
समाचार
वीरगञ्जमा मानवसेवा आश्रममार्फत उद्धार भएकी गर्भवती महिलाले जन्माइन् स्वस्थ छोरी

वीरगञ्जमा मानवसेवा आश्रममार्फत उद्धार भएकी गर्भवती महिलाले जन्माइन् स्वस्थ छोरी

मंगलबार, असोज १४, २०८२ प्रकाश दैनिक

मानवसेवा आश्रम वीरगञ्ज शाखाले उद्धार गरेर संरक्षणमा राखी आएकी एक गर्भवती महिलाले मंगलबार नारायणी अस्पतालमा स्वस्थ छोरी जन्माएकी छन्।
असोज ११ गते शनिबार राति करिब ९ बजे वडा प्रहरी कार्यालयका प्रहरी नायब निरीक्षक ९प्र।नि० भुलेन्द्र गिरि तथा आश्रमका अभिभावक एवं सामाजिक अभियन्ता प्रकाश थारुज्यूको समन्वयमा सो महिला आश्रममा ल्याइएको थियो। करिब ३० वर्षकी देखिने ती महिलाले आफ्नो नाम, थर र ठेगाना स्पष्ट भन्न नसक्ने अवस्था रहेको मानवसेवा आश्रमले जनाएको छ।

मंगलबार असोज १४ गते अपराह्न ४ बजे पेट दुख्ने समस्या देखिएपछि आश्रमले तत्काल उनलाई नारायणी अस्पताल पुर्‍याएको थियो। त्यहाँ उपचारमा संलग्न स्वास्थ्यकर्मीहरूको सहयोगमा बेलुकी ५:२३ बजे उनले एक स्वस्थ नानीलाई जन्म दिएकी मानवसेवा आश्रम वीरगञ्जका संस्थापक अभियन्ता देवेन्द्र गुप्ता (देवेश) ले जानकारी दिए।
शिशुको जन्मको क्रममा अस्पतालमा मानवसेवा आश्रमका अभियन्ता, अभिभावक तथा स्वयंसेवकहरूको उल्लेख्य उपस्थिति थियो।

संस्थापक अभियन्ता गुप्ता, अभिभावक एवं सामाजिक अभियन्ता प्रकाश थारु, सामाजिक अभियन्ता पिया सिंह, आश्रमका केन्द्रीय सदस्य विवेक महतो, स्वयंसेवक विकास माली, अंशु छेत्री, संगीता परियारलगायत त्यहाँ उपस्थित थिए। साथै, आश्रममा सेवामा खटिएका प्रहरी जवान नगेश्वर यादव, ओमकुमार झा र दिपेन्द्र चौधरी पनि अस्पताल पुगेका थिए।
यस महत्वपूर्ण क्षणलाई सहज र सफल बनाउन योगदान पुर्‍याउने नारायणी अस्पतालको सम्पूर्ण चिकित्सक, स्वास्थ्यकर्मी तथा प्रशासनिक परिवारलाई मानवसेवा आश्रमले विशेष धन्यवाद ज्ञापन गरेको छ। समन्वयमा सक्रिय भूमिका खेल्ने हेमा थापाप्रति पनि आश्रम परिवारले आभार व्यक्त गरेको छ।
मानवसेवा आश्रमले समाजमा बेवारिसे, असहाय र अभिभावकविहीन व्यक्तिहरूलाई उद्धार, आश्रय तथा सहयोग प्रदान गर्दै आएको छ। उद्धार भएकी महिलाको छोरी सुरक्षित जन्मनु आश्रमको सेवामूलक अभियानमा अर्को प्रेरणादायी अध्याय भएको आश्रमका प्रतिनिधिहरूले बताएका छन्।

प्रकाशित मिति: मंगलबार, असोज १४, २०८२ १९:२८

प्रतिक्रिया दिनुहोस्

ताजा समाचार

पर्सामा दुई महिने निःशुल्क लोकसेवा आयोगको तयारी कक्षा शुरु

सञ्चारकर्मी सर्राफमाथि कार्यक्षेत्रमै सांघातिक आक्रमण एक पक्राउ, ५ अझै फरार

चलचित्र पत्रकार संघको केन्द्रीय महाधिवेशनमा सहभागी हुन पर्साबाट तीन प्रतिनिधि चयन

एमाले पर्सा बैठक सम्पन्न, ओलीको गिरफ्तारी प्रतिशोधपूर्ण भन्दै तत्काल रिहाई माँग

१ महिने मेहंदी तालिम शुरु : सिकेका सीपलाई व्यवहारमा उतार्न वडा अध्यक्ष चौरसियाको अपिल

वीरगञ्जको लिंकरोडमा ‘नमस्ते एजुकेसन फाउन्डेसन’ सञ्चालनमा

हाजिरी जमानीमा छुटे शंकरलाल, छोरा सुलभ अझै हिरासतमा