हरिखेतान बहुमुखी क्याम्पसमा नियुक्ति विवाद चर्कियो, विद्यार्थी–प्राध्यापक सडकमा

समाचार

गृहपृष्ठ
समाचार
हरिखेतान बहुमुखी क्याम्पसमा नियुक्ति विवाद चर्कियो, विद्यार्थी–प्राध्यापक सडकमा

हरिखेतान बहुमुखी क्याम्पसमा नियुक्ति विवाद चर्कियो, विद्यार्थी–प्राध्यापक सडकमा

बुधबार, पुस २३, २०८२ प्रकाश दैनिक

हरिखेतान बहुमुखी क्याम्पसमा सुस्मिता यादवलाई गरिएको नियुक्तिपछि क्याम्पस परिसरमा तनाव बढेको छ। उक्त नियुक्तिलाई अवैधानिक र अस्वीकार्य भन्दै विद्यार्थी, प्राध्यापक तथा कर्मचारीहरू क्याम्पसको अगाडि उत्रिएर विरोध प्रदर्शन गरेका छन्।

हरिखेतान प्राध्यापक संघ, कर्मचारी युनियन तथा विद्यार्थी संगठनहरूको संयुक्त सहभागितामा भएको प्रदर्शनमा क्याम्पसको मूल मर्म र सामुदायिक चरित्रमाथि गम्भीर प्रश्न उठाइएको छ। प्राध्यापक संघका अध्यक्ष धमेन्द्र यादवले सामुदायिक क्याम्पस हुँदाहुँदै पनि खेतान परिवारले विधान परिवर्तन गरी क्याम्पसलाई निजीकरण गर्ने प्रयास गरिरहेको आरोप लगाए। उनका अनुसार व्यक्तिगत स्वार्थ पूरा गर्न कृत्रिम विवाद सिर्जना गरिएको हो।

सुस्मिता यादवको नियुक्तिसँगै क्याम्पसमा आन्दोलनको अवस्था सिर्जना भएको र त्यसले नियमित पठनपाठन प्रभावित भएको विद्यार्थीहरूको गुनासो छ। अभिभावकहरू पनि क्याम्पस प्रशासनको निर्णयप्रति चिन्तित देखिएका छन्। उनीहरूले गरिब तथा जेहनदार विद्यार्थीहरूलाई आवश्यक छात्रवृत्ति नदिइ मनपरी ढंगले वितरण भइरहेको आरोप लगाएका छन्।

प्राध्यापक संघकी उपाध्यक्ष प्रीतिकुमारी सिंहले निजी विधान तत्काल खारेज गरी सामुदायिक क्याम्पसको भावना अनुसार नयाँ विधान बनाउनुपर्ने माग राखिन्। उनका अनुसार पटक–पटक क्याम्पस प्रमुख, लेखापाल तथा प्रशासन प्रमुख परिवर्तन गरिनु पनि क्याम्पसमा अध्ययनरत विद्यार्थीहरूको मानसिक स्वास्थ्य र भविष्यमा नकारात्मक असर पारिरहेको छ।

अभिभावकहरूले सामुदायिक क्याम्पस भनेर आफ्ना सन्तान भर्ना गराएको भए पनि अहिले देखिएको विवादका कारण विद्यार्थीहरूको भविष्य अन्योलमा परेको बताएका छन्। क्याम्पस प्रशासनले चाँडो समस्याको समाधान नगरे आन्दोलन अझ कडा बनाउने चेतावनी आन्दोलनरत पक्षले दिएका छन्।

प्रकाशित मिति: बुधबार, पुस २३, २०८२ १६:५५

प्रतिक्रिया दिनुहोस्

ताजा समाचार

रास्वपा उम्मेदवार कानुको पर्सा क्षेत्र नम्बर–२ मा चुनावी गतिविधि तीव्र

वीरगञ्ज २ का पूर्व वडाध्यक्ष शेख अब्बास एमालेमा प्रवेश पार्टीको जितका लागि कार्यकर्तालाई सक्रिय हुन यादवको निर्देशन

कोहिनुर बचत तथा ऋण सहकारी संस्था लिमिटेड, राष्ट्रिय सहकारी नियमन प्राधिकरणमा आवद्ध

तराई–मधेसका केही स्थानमा हुस्सु–कुहिरो लाग्ने सम्भावना जल तथा मौसम पूर्वानुमान महाशाखा आनुमान

सरकारले देशव्यापी रुपमा पाठेघरको मुखको क्यान्सर विरुद्ध खोप अभियान औपचारिक रूपमा सुरु

दशरथ रंगशालामा विकास सिल्ड राष्ट्रिय बहिरा फुटबल प्रतियोगिता सुरु, बहिरा खेलाडीको पहिचान र अन्तर्राष्ट्रिय अवसरतर्फ लक्ष्य

विभिन्न राजनीतिक दल परित्याग गरी सयौँ नेता–कार्यकर्ता एमालेमा प्रवेश, वीरगञ्जमा पार्टी विस्तार अभियान तीव्र