बाराको विश्रामपुरमा बृहत खुल्ला रक्तदान कार्यक्रम सम्पन्न

समाचार

गृहपृष्ठ
समाचार
बाराको विश्रामपुरमा बृहत खुल्ला रक्तदान कार्यक्रम सम्पन्न

बाराको विश्रामपुरमा बृहत खुल्ला रक्तदान कार्यक्रम सम्पन्न

मंगलबार, फागुन ५, २०८२ प्रकाश दैनिक

बारा जिल्ला अन्तर्गत विश्रामपुर गाउँपालिका मा बृहत खुल्ला रक्तदान कार्यक्रम सम्पन्न भएको छ। कार्यक्रम गाउँपालिकाभित्र रहेको विश्रामपुर स्वास्थ्य चौकी को प्राङ्गणमा आयोजना गरिएको थियो।

गाउँपालिका अध्यक्ष जुलुफकार अली भुट्टो (जुबेर भाई)को अध्यक्षतामा कार्यक्रम सम्पन्न भएको हो। गाउँपालिकाको सहयोग तथा जानकी स्किल डेभलपमेन्ट प्रा। लि।, वीरगञ्ज को आयोजनामा कार्यक्रम गरिएको आयोजकले जनाएको छ।

कार्यक्रममा गाउँपालिका उपाध्यक्ष प्रियंका देवी, प्रमुख प्रशासकीय अधिकृत सुनील केशरी, वडा नं। २ का अध्यक्ष मनोज कुमार यादव, वडा नं। १ का अध्यक्ष सन्तोष पटेल, कार्यपालिका सदस्य मन्जुर आलम, समाजसेवी कृष्ण शाह तथा नेपाल पत्रकार महासंघ बारा का जिल्ला कार्यसमिति सदस्य शार्मालाल बैठा लगायतको उपस्थिति रहेको थियो।

आयोजकका अनुसार कार्यक्रममा स्थानीय युवा, सामाजिक संघसंस्था तथा सर्वसाधारण नागरिकको उत्साहजनक सहभागिता देखिएको थियो। रक्तदान जस्तो मानवीय कार्यले आपतकालीन अवस्थामा रगत अभाव झेलिरहेका बिरामीलाई जीवनदान दिन सहयोग पुग्ने विश्वासका साथ कार्यक्रम आयोजना गरिएको अध्यक्ष भुट्टोले बताए।

आयोजक पक्षले आगामी दिनमा पनि यस्ता सामाजिक तथा स्वास्थ्यसम्बन्धी कार्यक्रमलाई निरन्तरता दिने प्रतिबद्धता व्यक्त गरेको जनाएको छ।

प्रकाशित मिति: मंगलबार, फागुन ५, २०८२ १५:१८

प्रतिक्रिया दिनुहोस्