पर्सा निर्वाचन क्षेत्र नम्बर–३ मा आगामी प्रतिनिधिसभा निर्वाचन नजिकिँदै जाँदा राजनीतिक गतिविधि तीव्र बन्दै गएको छ। विकास, सुशासन र युवा नेतृत्वको बहस चर्किरहेका बेला रूपेश कुमार पाण्डे युवा पुस्ताको सक्रिय र भरोसायोग्य अनुहारका रूपमा उदाएका छन्।
विगत तीन वर्ष आठ महिनादेखि निरन्तर रूपमा क्षेत्रका बस्ती–बस्ती पुगेर जनताको समस्या बुझ्दै, अध्ययन गर्दै र ग्रासरूट तहबाट काम गर्दै आएका पाण्डेले पर्सा–३ लाई समृद्ध बनाउने स्पष्ट संकल्प सार्वजनिक गरेका छन्। स्थानीयसँग प्रत्यक्ष संवाद, टोल–टोलमा अन्तरक्रिया तथा सरोकारवालासँगको समन्वयमार्फत उनले क्षेत्रका ज्वलन्त मुद्दालाई प्राथमिकतामा राख्दै आएका छन्।
नेपाल कम्युनिस्ट पार्टी (एमाले) का तर्फबाट प्रतिनिधिसभा सदस्यका लागि उम्मेदवार बनेका पाण्डे परिवर्तनका संवाहक र भरोसायोग्य युवा नेतृत्वका रूपमा स्थापित हुँदै गएको विश्लेषण भइरहेको छ। शिक्षा, स्वास्थ्य, कृषि, सिँचाइ, सडक पूर्वाधार, रोजगारी तथा युवा उद्यमशीलता जस्ता आधारभूत विषयलाई उनले आफ्नो मुख्य एजेन्डा बनाएका छन्।
उनका अनुसार, “क्षेत्रको माटो चम्किन सक्छ, यदि सही नीति, इमानदार नेतृत्व र जनसहभागितामा आधारित विकासको मोडेल अपनाइयो भने।”
पर्सा–३ मा देखिएका शिक्षा तथा स्वास्थ्य सेवाको पहुँच अभाव, खानेपानी समस्या, कृषि उत्पादनको उचित बजारीकरण नहुनु, युवाको बढ्दो वैदेशिक पलायन तथा आधारभूत पूर्वाधारको कमजोरीजस्ता विषयमा उनले पटक–पटक आवाज उठाउँदै समाधानमुखी पहल अघि बढाएको बताइन्छ। किसान, युवा तथा साना व्यवसायी वर्गसँगको निकट समन्वयले उनलाई व्यवहारिक र परिणाममुखी नेतृत्वका रूपमा चिनाउन सहयोग गरेको समर्थकहरूको दाबी छ।
राजनीतिक रूपमा नयाँ पुस्ताको नेतृत्वको आवश्यकता महसुस भइरहेका बेला पाण्डेको सक्रिय जनसम्पर्क अभियानले पर्सा–३ को चुनावी समीकरणमा प्रभाव पारेको छ। विशेषगरी युवावर्ग, किसान र साना व्यवसायीबीच उनको बढ्दो पहुँचले उनलाई बलियो दाबेदारका रूपमा उभ्याएको छ। स्थानीय तहमा “पर्सा–३ मा रूपेश कुमार पाण्डेको विकल्प नै नरहेको” चर्चा समेत सुरु भएको छ।
समसामयिक राजनीतिक सन्दर्भमा विकास, सुशासन र पारदर्शितालाई केन्द्रमा राख्दै अघि बढ्ने प्रतिबद्धताले पर्सा–३ मा नयाँ तरंग उत्पन्न गरेको देखिन्छ।
“पर्सा–३ लाई समृद्ध, व्यवस्थित र अवसरयुक्त क्षेत्र बनाउने मेरो संकल्प हो,” पाण्डेले एक कार्यक्रममा भने, “जनताको विश्वास नै मेरो शक्ति हो, र त्यही विश्वासका आधारमा क्षेत्रको माटो चम्काउने काममा निरन्तर लागिरहने दाबी गरे ।”
