वीरगञ्जको लिंकरोडमा ‘नमस्ते एजुकेसन फाउन्डेसन’ सञ्चालनमा

स्वास्थ्य/शिक्षा

गृहपृष्ठ
स्वास्थ्य/शिक्षा
वीरगञ्जको लिंकरोडमा ‘नमस्ते एजुकेसन फाउन्डेसन’ सञ्चालनमा

वीरगञ्जको लिंकरोडमा ‘नमस्ते एजुकेसन फाउन्डेसन’ सञ्चालनमा

मंगलबार, चैत २४, २०८२ प्रकाश दैनिक

आरोहण शाह
वीरगञ्ज — वीरगञ्जको लिंकरोडस्थित नमस्ते एजुकेसन फाउन्डेसन प्रा.लि. आजदेखि औपचारिक रूपमा सञ्चालनमा आएको छ। विदेशमा उच्च शिक्षा हासिल गर्न इच्छुक नेपाली विद्यार्थीहरूलाई लक्षित गर्दै मंगलबार देखी सञ्चालनमा आएको हो । यस संस्थाले विशेषगरी भारतमा अध्ययन गर्न जाने विद्यार्थीहरूका लागि परामर्श सेवा उपलब्ध गराउने जनाएको छ।

संस्थाका अध्यक्ष अजित चौरसियाका अनुसार भारतका विभिन्न प्रतिष्ठित शैक्षिक संस्थाहरूमा भर्ना प्रक्रिया, विषय छनोट, कलेज चयन तथा आवश्यक कागजी प्रक्रियामा विद्यार्थीलाई सहजीकरण गर्ने उद्देश्यले फाउन्डेसन सञ्चालनमा ल्याइएको हो। उनले नेपालबाट भारत अध्ययनका लागि जाने विद्यार्थीहरूलाई सही मार्गदर्शनको अभाव हुने गरेको उल्लेख गर्दै नमस्ते एजुकेसन फाउन्डेसनले उक्त कमी पूर्ति गर्ने विश्वास व्यक्त गरे।

फाउन्डेसनले विद्यार्थीलाई निःशुल्क काउन्सेलिङ, कलेज तथा कोर्स छनोट, भर्ना प्रक्रिया र आवश्यक कागजात तयारीमा सहयोग गर्ने जनाएको छ। साथै, भारतमा अध्ययनका क्रममा आवश्यक जानकारी तथा सहयोग उपलब्ध गराउने प्रतिबद्धता पनि जनाएको छ।

स्थानीय स्तरमै गुणस्तरीय शैक्षिक परामर्श सेवा उपलब्ध भएपछि विद्यार्थी तथा अभिभावकलाई सहज हुने अपेक्षा गरिएको छ। नमस्ते एजुकेसन फाउन्डेसनले भविष्यमा अन्य देशका लागि समेत सेवा विस्तार गर्ने योजना रहेको जनाएको छ।उद्घाटन कार्यक्रममा विभिन्न संस्थाका प्रतिनिधिहरू, पत्रकार, विद्यार्थी तथा अभिभावकहरूको उपस्थिति रहेको थियो।

प्रकाशित मिति: मंगलबार, चैत २४, २०८२ १५:१२